By پاکستان تحریک انصاف کے رہنما شعیب شاہین نے کہا ہے کہ فارم 47 کی جعلی حکومت الیکشن ٹریبونل چلنے نہیں دے رہی ۔
تفصیلات کے مطابق نجی ٹی وی جیونیوز میں پی ٹی آئی کے رہنما شعیب شاہین اور مسلم لیگ (ن)کے طلال چوہدری نے شرکت کی۔ اس دوران شعیب شاہین کا کہنا تھا کہ تمام سیاسی جماعتوں کو ملک کے ہر حصے میں جلسے جلوس کا پورا حق حاصل ہے۔
یہ بھی پڑھیں: لاہور: جعلی خاتون اے ایس پی گرفتار
کل ہمارے لوگوں پر سیدھی گولیاں ماری گئیں ، پی ٹی آئی کے لوگوں پر تشدد کیا اور سیکڑوں کارکن گرفتار کئے گئے ۔ ان کا کہنا تھا کہ بیرسٹر گوہر اور میں ایک ہی گاڑی میں جارہے تھے، ہمیں گرفتار کرنے کی ہر ممکن کوشش کی گئی۔
یہ بھی پڑھیں: اعظم سواتی نے علی امین گنڈا پور کو بڑی مشکل سے بچا لیا
شعیب شاہین کا مزید کہنا تھا کہ فارم 47 کی حکومت غیر قانونی طور پر پارلیمنٹ پر قبضہ جمائے بیٹھی ہے ، ان کا یہ بھی مشن ہے کہ الیکشن ٹریبونل کو بھی نہیں چلنے د یا جائے ، آئینی ریفارمز سسٹم انصاف میں فساد برپا کرنے کی کوشش ہے۔
