By عالمی شہرت یافتہ مبلغ اسلام اور سکالر ڈاکٹر ذاکر نائیک اسلام آباد پہنچ گئے ہیں۔ وہ حکومت کی خصوصی دعوت پر پاکستان آئے ہیں۔
اسلام آباد ایئرپورٹ پر ان کا استقبال ایڈیشنل سیکرٹری وزارت مذہبی امور، سید ڈاکٹر عطاالرحمان، اور چیئرمین وزیراعظم یوتھ پروگرام، رانا مشہود نے کیا۔ ڈاکٹر ذاکر نائیک کو ایئرپورٹ سے سخت سیکیورٹی میں اسلام آباد روانہ کیا گیا۔
ڈاکٹر نائیک کراچی، لاہور اور اسلام آباد میں مختلف تقاریب سے خطاب کریں گے اور اہم ملکی شخصیات سے ملاقاتیں بھی کریں گے۔ ایئرپورٹ پر موجود مسافروں نے بھی ان کا خیرمقدم کیا۔
آفیشل ایکس اکاؤنٹ پر جاری کردہ شیڈول کے مطابق، ڈاکٹر ذاکر نائیک 5 سے 6 اکتوبر کو کراچی، 12 سے 13 اکتوبر کو لاہور، اور 19 اور 20 اکتوبر کو اسلام آباد میں عوامی اجتماعات سے خطاب کریں گے۔
