By پنجاب میں 7 دنوں کیلئے دفعہ 144 کے نفاذ کو شہری نے لاہور ہائیکورٹ میں چیلنج کر تے ہوئے درخواست دائر کی ہے ۔
تفصیلات کے مطابق شہری ملک نجی اللہ نے اپنے وکیل اظہر صدیق ایڈووکیٹ کے ذریعے لاہور ہائیکورٹ سے رجوع کیا اور متفرق درخواست دائر کی ہے جس میں پنجاب میں دفعہ 144 کے نفاذ پر قانونی اعتراضات اٹھائے گئےہیں اور درخواست میں نشاندہی کی گئی کہ پنجاب میں دفعہ 144 کا نفاذ سیاسی بنیادوں پر کیا گیا ہے اور ایک سیاسی جماعت تحریک انصاف کے پرامن جلسے کو روکنے کے لیے دفعہ 144 لگائی گئی ہے۔
مزید پڑھٰیں: ممکنہ وکلاء احتجاج، اسلام آباد میں میں ایک بار پھر کنٹینرز پہنچا دئے گئے
درخواست گزار کے مطابق قانون کا استعمال سیاسی انجینئرنگ کے طور پر نہیں کیا جاسکتا اور یہ قانون کے غلط استعمال کے زمرے میں آتا ہے. درخواست میں استدعا کی گئی کہ دفعہ 144 کا نوٹیفکیشن کالعدم قرار دیا جائے اور درخواست کے حتمی فیصلہ تک دفعہ 144 کے نفاذ کو معطل کیا جائے۔
