حکومت فائزعیسیٰ کو آئینی عدالت کا سربراہ بنانے جارہی ہے:لطیف کھوسہ

پاکستان تحریک انصاف کے مرکزی رہنما سردار لطیف کھوسہ نے کہا ہے کہ حکومت چیف جسٹس قاضی فائزعیسیٰ کوآئینی عدالت کا سربراہ بنانے جارہی ہے۔

تفصیلات کے مطابق نجی ٹی وی دنیا نیوز کے ساتھ گفتگو کرتے ہوئے لطیف کھوسہ کا کہنا تھا کہ وکلاء کےرویے میں شائستگی ہونی چاہیے۔ انہوں نے کہا کہ قاضی فائزعیسیٰ جسٹس منیرپلس ہیں، خدارا! آئین کےساتھ کھلواڑنہ کیا جائے۔

یہ بھی پڑھیں:پی ٹی آئی کا ڈی چوک میں احتجاج، اسلام آباد پولیس کا مظاہرین سے سختی سے نمٹنے کا فیصلہ

چیف جسٹس بھی اپنی اداؤں پرغورکریں، یہ حکومت قاضی فائزعیسیٰ کوآئینی عدالت کا سربراہ بنانے جارہی ہیں۔ ان کا کہنا تھا کہ قاضی فائز نےعدلیہ کےاندرڈکٹیٹرشپ قائم کردی ہے، حکومت نےجسٹس منصورعلی شاہ کا ابھی تک نوٹیفکیشن جاری نہیں کیا۔

یہ بھی پڑھیں:عمران خان نے علی امین گنڈاپور کے انقلاب کے حوالے سے بیان کی تائید کی، شیخ وقاص اکرم

رہنما پی ٹی آئی نے کہا کہ آئین اورملک کےساتھ خوفناک کھیل کھیلا جارہا ہے ، ایم این ایزکی دوبارہ منڈیاں لگائی جائیں گی، قاضی فائزعیسیٰ کی سہولت کاری کی وجہ سےحکومت کےپاس دوتہائی اکثریت ہوگی۔ گفتگو کے آخر میں 63اے نظرثانی کیس کے حوالے سے سوال کے جواب میں لطیف کھوسہ کا کہنا تھا کہ 63اے نظرثانی کیس کا فیصلہ متفقہ ہوگا۔