عالمی معروف مذہبی اسکالر ڈاکٹر ذاکر نائیک جو ان دنوں پاکستان کے دورے پر ہیں،جو اس وقت کراچی میں موجود ہیں جہاں وہ ایک تقریب میں عوام سے آج خطاب کریں گے۔
تفصیلات کے مطابق اس سلسلے میں گورنر ہاؤس کراچی میں گورنر سندھ کی جانب سے ڈاکٹر نائیک کے اعزاز میں آج شام 7 بجے ایک خصوصی تقریب کا انعقاد کیا جائے گا۔ اس تقریب میں مختلف مذہبی شخصیات، اسکالرز، اور دینی جامعات و مدارس کے مہتمم شریک ہوں گے۔ شہریوں کے لیے گورنر ہاؤس کے قریب پولو گراؤنڈ میں بڑی اسکرینیں نصب کی جائیں گی تاکہ وہ تقریب کو براہ راست دیکھ سکیں۔
گورنر ہاؤس کے سبزہ زار لان میں تقریب کی تیاریاں جاری ہیں، جہاں ڈیجیٹل اسٹیج تیار کیا جا رہا ہے۔ گورنر سندھ کامران ٹیسوری نے رات گئے گورنر ہاؤس اور پولو گراؤنڈ کا دورہ کیا اور جاری انتظامات کا جائزہ لیا۔ اس موقع پر انہوں نے سیکیورٹی انتظامات کے حوالے سے انتظامیہ کو اہم ہدایات بھی دیں۔
ڈاکٹر ذاکر نائیک آج قرآن و حدیث اور حکم خداوندی کے حوالے سے اہم لیکچر دیں گے۔
By 
