By خیبر پختونخوا حکومت نے صوبے میں پولیس اختیارات میں کمی کے حوالے سے تیاریاں کرتے ہوئے پولیس ایکٹ 2017 میں ترمیم بارے منصوبہ بندی کر لی ہے۔
تفصیلات کے مطابق خیبر پختونخوا حکومت نے صوبے میں پولیس اختیارات میں کمی کا فیصلہ کرتے ہوئے پولیس ایکٹ 2017 میں ترمیم کی منصوبہ بندی مرتب کر لی ہے۔ اس حوالے سے حکومتی ذرائع کا کہنا ہے کہ حکومت نے پولیس کو حاصل اختیارات میں کمی کا عندیہ دے دیا ہے اور پولیس ایکٹ 2017 میں ترمیم لانے کی منصوبہ بندی کی جا رہی ہے۔ ذرائع کا کہنا ہے کہ محکمہ داخلہ خیبر پختونخوا کو سفارشات تیار کر کے ارسال کرنے کی ہدایت کی گئی ہے جبکہ خیبرپختونخوا اسمبلی میں ترامیم کا مسودہ جلد پیش کیا جانے کا امکان ہے۔
مزید پڑھیں: پنجاب حکومت نے سیاسی اجتماعات اور احتجاجی مظاہروں پر پابندی لگا دی
حکومتی ذرائع کا کہنا ہےکہ پولیس ایکٹ 2017 پرویز خٹک کی حکومت نے پاس کیا تھا، پولیس تبادلوں، جزا و سزا کا اختیار وزیراعلیٰ سے لیکرآئی جی کو منتقل کیا گیا، اور پولیس ایکٹ 2017 کے تحت محکمہ پولیس کے اہلکاروں کو لامحالہ اختیارات حاصل ہیں۔ موجودہ حکومت کو 9 اور 10 مئی واقعات کے بعد گرفتاریوں سے شکایات پیدا ہوئیں، پولیس قانون میں دوبارہ ترامیم اور اختیارات واپس لینے پرغور جاری ہے، ترامیم پر مشتمل مسودہ تیار کر کے جلد ایوان میں پیش کیا جائے گا، ترامیم حتمی منظوری کے لئے صوبائی کابینہ کو ارسال کی جائیں گی۔
