By صوبائی وزیر اطلاعات عظمیٰ بخاری کا کہنا ہے کہ پی ٹی آئی شدت پسند جماعت ہے اس کا سیاست سے دور دور تک کوئی تعلق نہیں۔
تفصیلات کے مطابق انہوں نے اپنے بیان میں کہا کہ تحریک انصاف کا فتنہ گروہ ، یہ ملکی ترقی کیخلاف ہے ۔ عوام ان کو جان چکے ہیں ۔ اڈیالہ کا قیدی چاہتا ہے کہ ملک میں مار دھاڑ، جلاؤ گھراؤ اور لاشیں گریں ۔ فتنہ خان کو پاکستان کی ترقی اور خوشحالی کسی صورت پسند نہیں ، ملک جب بھی ترقی کی راہ پر گامزن ہوتا ہے ، تانگہ پارٹی روڑے اٹکانے کے لیے آجاتی ہے ۔
ان کا کہنا تھا کہ علی امین گنڈا پور کرینوں، لفٹرز، سرکاری وسائل اور سرکاری ملازمین کے ساتھ اسلام آباد پر چڑھائی کرنے آ رہے ہیں ، مجھے بتایا جائے کیا اس قسم کی مشینری کے ساتھ سیاسی جدوجہد ہوتی ہے؟ ۔ پی ٹی آئی کے وزیر اعلیٰ سیاسی شو نہیں فساد پھیلانے آ رہے ہیں ۔ ان کا کہنا تھا کہ پنجاب مکمل طور پر پرامن رہا اور یہاں کے عوام نے فسادی ٹولے کو مسترد کر دیا۔
یہ بھی پڑھیں: صیہونی لابیز پی ٹی آئی کو فنڈنگ کر رہی ہیں : احسن اقبال
علی امین گنڈاپور جو مشینری اسلام آباد پر یلغار کیلئے لا رہے وہ (کے پی کے )کے لوگوں کیلئے استعمال کیوں نہیں ہوتی؟ پنجاب میں جو بھی قانون کو اپنے ہاتھ میں لے گا اس کے ساتھ سختی سے نمٹا جائے گا۔ شہریوں کے جان و مال کا تحفظ حکومت کی اولین ذمہ داری ہے۔ ا ن کا مزیدکہنا تھا کہ پاکستان میں شنگھائی تعاون تنظیم (ایس سی او) کا اجلاس ہونے جا رہا ہے اور یہ لوگ اسے سبوتاژ کرنے کے در پے ہیں۔
