By پاکستان تحریک انصاف (پی ٹی آئی) کے سابق رہنما سینیٹر فیصل واوڈا نے دعویٰ کیا ہے کہ وزیر اعلیٰ خیبرپختونخوا علی امین گنڈاپور اسلام آباد میں واقع کے پی ہاؤس سے گاڑی کی ڈگی میں چھپ کر بھاگ گئے ہیں۔
سوشل میڈیا پر جاری ایک پیغام میں انہوں نے کسی کا نام لیے بغیر اشارتاً تنقید کرتے لکھا کہ تاریخ رقم ہوگئی، بہادر جنگی، مسٹر ڈنڈا پور چوہے کی طرح گاڑی کی ڈگی میں بند ہوکر بھاگ گئے‘۔
انہوں نے لکھا کہ دوسری طرف لال جراب اور ہیٹ پہننے والے اندر سے چوہے اور بلی ثابت ہوئے جو اُس کو پکڑ نہ سکیں۔ فیصل واوڈا نے مزید لکھا کہ ’بھائی صاحب ایسے کام نہیں چلے گا‘۔
یہ بھی پڑھیں:پولیس نے مظاہرین کی جانب سے سرکاری املاک کو نقصان پہنچانے کے واقعات کی تفصیل جاری کردی
علی امین گنڈاپور ہفتے کی شامل اپنے قافلے کے بنا اسلام آباد میں واقع کے پی ہاؤس پہنچے جہاں ان کی حکومتی شخصیات سے ملاقات کا امکان تھا۔ ذرائع کے مطابق وزیر اعلیٰ خیبرپختونخوا کو ملاقات کا پیغام دیا گیا تھا، تاہم، اس کے کچھ دیر بعد ہی علی امین گنڈاپور کے شراب برآمدگی کیس میں ناقابل ضمانت وارنٹ جاری کردئے گئے اور پولیس اور رینجرز کی بھاری نفری نے قیدی وین سمیت کے پی ہاؤس پر دھاوا بول دیا۔
عمر ایوب اور علی امین گنڈاپور کے بھائی فیصل امین گنڈاپور نے گرفتاری کا دعویٰ کرتے ہوئے کہا کہ پولیس نے وزیراعلیٰ خیبرپختونخوا کی گرفتاری اسلحہ برآمدگی کیس میں ڈالی ہے۔ تاہم سرکاری ذرائع نے علی امین گنڈاپور کی گرفتاری کی تردید کی ہے۔
خیبرپختونخوا کے وزیر اطلاعات بیرسٹر محمد علی سیف کا کہنا ہے کہ علی امین گنڈاپور کے فون نمبرز بند جا رہے ہیں۔ ان کا کہنا تھا کہ وزیر اعلیٰ خیبر پختونخوا سردار علی امین گنڈاپور کو باضابطہ طور پر گرفتار نہیں کیا گیا ہے، رینجرز اور پولیس کی بھاری نفری کے پی ہاؤس میں موجود ہے۔
