By وفاقی وزیراطلاعات عطاء االلہ تارڑ نے کہا ہے کہ وزیراعلیٰ خیبرپختونخوا علی امین گنڈا پورکی 30 گھنٹے بعد صوبائی اسمبلی میں ڈرامائی واپسی کےاغواء کا جھوٹ سامنے آگیا ہے۔
تفصیلات کے مطابق عطاء تارڑ کا علی امین گنڈا پور کی واپسی اپنے ایک بیان میں کہنا تھا کہ علی امین ایک غیرذمہ دار شخص ہیں، وہ اپنے ساتھیوں کو چھوڑ کر بھاگ گئے ، انہوں نے ریسٹ ہاؤس میں پناہ لی اور پھر فرار ہوگئےاور پی ٹی آئی نے حکومت پر الزام عائد کیا کہ ان کو گرفتار کر لیا گیا ہے ۔ وفاقی وزیر نے سوال کیا کہ چوبیس (24)گھنٹے سےعلی امین گنڈاپور کہاں چھپے ہوئے تھے؟ ۔
عطاء تارڑ کا کہنا تھا کہ صوبائی چیف منسٹر نے پاکستان کا امن وامان تباہ کرنے کی ہر ممکن کوشش کی اور اس کے لیے باقاعدہ مہم چلائی گئی کہ علی امین کو اغواء کیا گیاہے ، ان کاجھوٹ سب کے سامنے عیاں ہو گیا ، ہمیں بتایا جائے کہ گنڈا پور نے یہ ڈرامہ کیوں رچایا؟ ان کا کہنا تھا کہ جھوٹ کے کوئی پاؤں نہیں ہوتے، ان کا جھوٹ دنیا کے سامنے بے نقاب ہو گیا، انہوں نے جو پلان بنایا تھا وہ بُری طرح فلاپ ہو گیا ۔
یہ بھی پڑھیں:علی امین گنڈا پور وکٹ کے دونوں طرف کھیل رہے ہیں:گورنر خیبرپختونخوا
یہ سرکاری عمارات کو نقصان پہنچانا چاہتے تھے،یہ پاکستان کو غیر مستحکم کرنا چاہتے تھے، جب انکے تمام منصوبے ناکام ہوگئے تو یہ اپنے ہی لوگوں کو چھوڑ کر چلے گئے ۔ انکا کا مزید کہنا تھا کہ نو مئی کے واقعات میں ان کیخلاف تمام ثبوت ریکارڈ پرموجود ہیں، عمر ایوب، شاندانہ گلزار، بیرسٹر سیف اور دیگر کے بیانات کی قلعی کھل گئی ہے، تحریک انتشار کا مکروہ چہرہ پوری قوم نے دیکھ لیا ہے، ہمارا مؤقف درست ثابت ہوا ۔
