By انسداد دہشتگردی عدالت نے عدم پیشی پر علی امین گنڈاپور اور عامر مغل کے وارنٹ گرفتاری جاری کر دیئے جبکہ عدالت نے بانی پاکستان تحریک انصاف کی بہنوں، علیمہ خان اور عظمیٰ خان کا ایک روزہ جسمانی ریمانڈ بھی منظور کر لیا ۔
تفصیلات کے مطابق علیمہ خان اور عظمیٰ خان کو انسداد دہشتگردی کی عدالت میں پیش کیا گیا۔ پراسیکیوٹر نے کہا کہ ملزمان کے برآمدگی کے لیے ریمانڈ نہیں لیا جا رہا بلکہ یہ ایک تکنیکی تفتیش ہے، اس لیے انہیں ریمانڈ کی ضرورت ہے۔
مزید پڑھیں: پی ٹی آئی کے مرکزی رہنما اعظم سواتی کو گرفتار کر لیا گیا
اسد قیصر کے بھائی عدنان خان کی وکیل عائشہ خالد نے روسٹرم پر آ کر بتایا کہ عدنان خان اسد قیصر کے بھائی ہیں اور برطانیہ کے شہری ہیں۔ انہوں نے یہ بھی بتایا کہ عدنان خان کو 4 اکتوبر کو گرفتار کیا گیا تھا۔عائشہ خالد نے عدالت میں ویڈیو ثبوت پیش کیا۔
علیمہ خان نے بھی عدالت میں بیان دیتے ہوئے کہا کہ گرفتاری کے بعد انہیں 10 گھنٹے ایک تھانے کے دفتر میں بٹھایا گیا اور بعد میں پولیس لائن منتقل کیا گیا۔ انہوں نے مزید کہا کہ ان کے ساتھ گرفتار 80 اور 80 سال کی دو خواتین بھی تھیں، جو رات کو بیمار ہو گئیں۔
