عمران خان نے جو فیصلہ کیا تھا اس پر مکمل عملدرآمد کیا: علی امین گنڈا پور

وزیراعلیٰ خیبر پختونخوا علی امین گنڈا پور تشدد اور شیلنگ کے باوجود ڈی چوک اسلام آباد پہنچے، بانی پی ٹی آئی عمران خان کی رہائی ہماری منزل ہے۔

تفصیلات کے مطابق وزیراعلیٰ کے پی کے کی صدارت میں صوبائی چیف منسٹر ہاؤس میں اجلاس منعقد ہوا جس میں تحریک انصاف کے ارکان اسمبلی ، پارٹی عہدیداران اور کارکنان نے بھر پور شرکت کی ۔

یہ بھی پڑھیں:عامر الیاس رانا نے پی ٹی آئی کی جانب سے اے پی سی میں شرکت نہ کرنے کی وجہ بتا دی

ذرائع کا کہنا ہے کہ اراکین اسمبلی نےکامیاب احتجاج پر علی امین کو پشاورکی روایتی پگڑی پہنائی، اس پُر مسرت موقع پر علی امین گنڈاپور نے اپنے خطاب میں سب کا شکریہ ادا کیا اور احتجاج کے دوران خود پر گزرنے والے واقعات سے آگاہ کیا۔

ذرائع کے مطابق اجلاس میں علی امین گنڈا پور کا کہنا تھا کہ ہماری پُرامن تحریک انشاءاللہ آگے بھی جاری رہے گی، بانی پی ٹی آئی نے جو فیصلہ کیا تھا اس پر مکمل عملدرآمد کیا، اپنا ہدف حاصل کیا، جبر، تشد د اور شیلنگ کے باوجود اسلام آباد پہنچے۔وزیراعلیٰ کے پی کا کہنا تھا کہ وفاق نے ہم پر ظلم کیا، مجھ پر اور کے پی کے ہاؤس پر حملہ کیا۔

یہ بھی پڑھیں:علی امین گنڈا پور کہاں رہے؟ محسن نقوی کو تحقیقات کرنی چا ہیے:گورنرخیبرپختونخوا

دوسری جانب وزیر پبلک ہیلتھ انجینئرنگ خیبرپختونخوا پختون یار نے نجی ٹی وی سے گفتگو میں کہا کہ وزیر اعلیٰ علی امین گنڈاپور کا حوصلہ بلند ہے۔ وزیراعلیٰ نے میٹنگ میں واضح کیا کہ بانی پی ٹی آئی عمران خان کی رہائی ہمارا مشن ہے۔