By بلوچستان بار کونسل نے مجوزہ آئینی ترمیم کیخلاف سپریم کورٹ سے رجوع کر لیا ہے اور اس حوالے سے دائر درخواست میں کہا گیا ہے کہ بنیادی حقوق اور عدلیہ کی آزادی آئین کے بنیادی خدوخال ہیں۔
تفصیلات کے مطابق بلوچستان ہوئی کورٹ نے مجوزہ آئینی ترامیم کے خلاف سپریم کورٹ سے رجوع کرنے کا فیصلہ کیا ہے اور اس حوالے سے سپریم کورٹ میں دائر درخواست میں استدعا کی گئی ہے کہ آئین کے بنیادی خدوخال کیخلاف کوئی ترمیم نہیں کی جا سکتی ہے اور اس حوالے سے عدالت سے استدعا کی گئی ہے کہ عدالت مجوزہ آئینی ترمیم کو آئین توڑنے کے مترادف قرار دے۔
مزید پڑھیں: پاکستان بار کونسل نے آئینی عدالت کے قیام پر اتفاق کرلیا
سپریم کورٹ میں دائر درخواست میں استدعا کی گئی ہے کہ مجوزہ آئینی ترمیم کا بل غیرآئینی اور غیرقانونی قرار دیا جائے اور اس حوالے سے عدالت وفاقی حکومت اور ارکان پارلیمان کو بل پیش کرنے سے روکنے کا حکم دے، درخواست میں اعلی عدلیہ سے استدعا کی گئی ہےکہ قومی اسمبلی اور سینیٹ کے ہائوسز مکمل ہونے تک ترمیمی بل پیش کرنے سے روکا جائے اورمجوزہ آئینی ترمیمی بل اگر پیش کیا جائے تو اسے معطل تصور کرنے کا حکم دیا جائے
