تحریک انصاف کی بانی سے اڈیالہ جیل میں ملاقات کی درخواست وزارتِ داخلہ کو موصول

تحریک انصاف کی جانب سے بانی پی ٹی آئی عمران خان  سے اڈیالہ جیل میں ملنے کی باضابطہ درخواست وزارت داخلہ کو موصول ہوگئی۔

تحریک انصاف کے مرکزی رہنما بیرسٹر گوہر اور سربراہ سنی اتحاد کونسل صاحبزادہ حامد رضا نے بانی پی ٹی آئی سے جیل میں ملنے کی درخواست کی۔

درخواست کے متن میں کہا گیا ہے کہ آخری بار ہمارے وکلا کی بانی پی ٹی آئی سے ملاقات 3اکتوبر کو ہوئی، بانی پی ٹی آئی سے فوری ملاقات کرنے کی اجازت دی جائے۔

یہ بھی پڑھیں:ہم ایس سی او کانفرنس کو نقصان نہیں پہنچانا چاہتے: اسد قیصر

واضح رہے عمران خان کی بہن نورین خان نیازی نے بھی بانی پی ٹی آئی سے ملاقات کیلئے اسلام آباد ہائیکورٹ سے رجوع کیا تھا، جس پر عدالت نے عمران خان سے ہمشیرہ نورین نیازی سے ملاقات کروانے کا حکم دیا تھا۔