امریکی ڈالر مہنگا ، سونا سستا ہو گیا

کاروباری ہفتے کے دوسرے روز انٹربینک میں ڈالر کی قیمت میں معمولی اضافہ ریکارڈ کیا گیا جبکہ دوسری جانب سونے کی قیمت میں کمی  دیکھنے میں آئی ہے ۔

اسٹیٹ بینک آف پاکستان کی جانب سے جاری اعدادو شمار کے مطابق انٹربینک میں ڈالر کی قیمت 8پیسے اضافے سے 277 روپے 66 پیسے سے بڑھ کر 277 روپے 74 پیسے ہو گئی ہے ۔ خیال رہے کہ گزشتہ روز کاروبار کے اختتام پر انٹربینک میں امریکی ڈالر 2 پیسے کے معمولی اضافے سے 277 روپے 66 پیسے پر بند ہوا تھا ۔

یہ بھی پڑھیں: پٹرول قیمتوں میں کتنا اضافہ متوقع؟ اوگرا نے سفارش کر دی

دوسری جانب عالمی منڈی میں فی اونس سونا کی قیمت میں 6 ڈالرکی کمی سے 2653 ڈالرز ہو گئی ہے ۔ مقامی صرافہ مارکیٹ میں سونے کی فی تولہ قیمت میں 700 سو روپے کی کمی دیکھی گئی ہے جس کے بعد قیمت 2 لاکھ 75 ہزار ہو گئی ہے

اسی طرح 10 گرام سونے کی قیمت میں 600 روپے کی کمی ہوئی ۔ جس سے دس گرام کی قیمت 2 لاکھ 35 ہزار 768 روپے پر آگئی ہے ۔