By شنگھائی تعاون تنظیم سربراہانِ حکومت اجلاس میں منظوری کے لئے دستاویزات اور مشترکہ اعلامیہ تیار کر لیے گئے ہیں ۔
سفارتی ذرائع کے مطابق ایس سی او سربراہان حکومت اجلاس کے اختتام کے دوران ان دستاویزات پر دستخط کیے جائیں گے اور ایس سی او اجلاس کے اختتا م پر ایس سی او سربراہان حکومت اجلاس کے لیے جاری ہونیوالے مشترکہ اعلامیہ یا ، جوائینٹ کمیونیکے کو بھی حتمی شکل دے دی گئی ہے۔ سفارتی ذرائع کا کہنا ہے کہ دستاویزات اور مشترکہ اعلامیہ کو نیشنل کوارڈنیٹرز کے اجلاس میں حتمی شکل دی گئی ہے۔ سفارتی ذرائع کے مطابق ایس سی او نیشنل کوارڈنیٹرز کا اجلاس 11 تا 14 اکتوبر اسلام آباد میں منعقد ہوا اور ایس سی او رکن ممالک کے نیشنل کوارڈنیٹرز نے اس اجلاس مین شرکت کی اور اس نیشنل کوارڈنیٹرز کے اجلاس میں نئے مجوزہ پروپوزلز کی بھی منظوری دی گئی۔
مزید پڑھیں: ایس سی او کانفرنس، مرکزی تنظیم تاجران کا اسلام آباد میں تجارتی مراکز بند رکھنے کا فیصلہ
سفارتی ذرائع کا کہنا ہے کہ قبل از منظوری دستاویزات, مشترکہ اعلامیہ, نئے پروپوزلز اور ایس سی او مالی و انسانی وسائل تجاویز و فیصلوں پر بحث کی گئی اور ایس سی او اعلی سطح اجلاس سے قبل نیشنل کوارڈنیٹرز کا اجلاس ضروری ہوتا ہے اورحتمی ایس سی او دستاویزات میں پاکستان کی جانب سے بھی ایک دستاویز موجود ہے جس میں پاکستان کی جانب سے کواپریشن امنگ ٹریڈ پروموشن باڈیز کا پروپوزل پیش کیا گیا تھا ۔
مزید پڑھیں: اسلام آباد میں ایس سی او اجلاس: سخت سکیورٹی کے انتظامات، راستے بند
دستاویزات میں روسی فیڈریشن کی جانب سے ڈیویلپمنٹ آف کواپریشن آف کرئیٹوو اکانومی بھی شامل ہے۔ سفارتی ذرائع کا کہنا ہے کہ اس پروپوزل کے مسودہ کی منظوری 25 ستمبر کو دی گئی تھی اور حتمی دستاویزات میں کانسپٹ ان دی نیو اکنامک ڈائیلاگ کا پروپوزل بھی شامل کیا گیا ہے۔ جبکہ قزاقستان کی جانب سے ایس سی او اکنامک پریفرینشل بیسز کا پروپوزل بھی حتمی دستاویز میں شامل کیا گیا ہے۔اور کانفرنس کے اختتام پر جاری ہونیوالے ایس سی او کے مشترکہ اعلامیہ کو بھی حتمی شکل دے دی گئی ہے۔
