حکومت کا 5 آئی پی پیز کو حتمی تصفیے کے طور پر 72 ارب روپے ادا کرنے کا فیصلہ

حکومت نے انڈیپینڈینٹ پاور پروڈیوسرز (آئی پی پیز) کو حتمی تصفیہ کے طور پر 72 ارب روپے ادائیگی کا فیصلہ کرلیا ہے۔

ذرائع نے بتایا ہے کہ حکومت آئی پی پیز کو حتمی تصفیہ کے طور پر 72 ارب روپے کی ادائیگیاں کرے گی، آئی پی پیز کو ادائیگیوں میں لیٹ پیمنٹ سرچارج شامل نہیں ہوگا۔

ذرائع نے مزید بتایا ہے کہ حکومت ’حب کو‘ کو 36ارب50 کروڑ روپے، روش پاورکو ساڑھے 15 ارب روپے، لعل پیر پاور کمپنی کو 12ارب 80 کروڑ روپے، اٹلس پاور لمیٹڈ کو 15 ارب 50 کروڑ، صبا پاور کو 6 ارب روپے کی ادائیگیاں کرے گی۔

یہ بھی پڑھیں:نشان عبرت آپ نہیں، بلکہ ریاست بنائے گی!عطاء اللہ تارڑ کا تحریک انصاف کیلئے سخت پیغام

ان آئی پی پیز کے ساتھ معاہدے ختم کرنے کا اطلاق یکم اکتوبر 2024 سے کیا جائے گا۔

واضح رہے کہ 10 اکتوبر کو وزیراعظم شہباز شریف زیرصدارت وفاقی کابینہ کے خصوصی اجلاس میں 5 آئی پی پیز کے معاہدے منسوخ کرنے کی منظوری دی گئی تھی۔