سموگ تدارک مہم، لاہور میں آرٹیفیشل انٹیلیجنس سسٹم کی مدد سے اہم اقدامات کا آغاز

لاہور میں سموگ تدارک مہم کے تحت آرٹیفیشل انٹیلیجنس سسٹم کی مدد سےبڑے پیمانے پر دھواں چھوڑنے والی گاڑیوں کے خلاف کریک ڈاؤن کا آغٖاز کر دیا گیا ہے۔

تفصیلات کے مطابق لاہور میں جاری سموگ کے تدارک کے حوالے سے مہم میں آرٹیفیشل انٹیلیجنس سسٹم کی مدد سے دھواں چھوڑنے والی گاڑیوں کے خلاف بڑے پیمانے پر کریک ڈاؤن کا آغاز کر دیا گیا ہے۔ اس حوالے چیف ٹریفک آفیسر لاہور کے مطابق رواں سال ماحول  میں دھواں چھوڑنے والی 24 ہزار 648 گاڑیوں کو دو،دو ہزار کے چالان ٹکٹس جاری کیئے گئے ہیں اور اس کے علاوہ ریت،مٹی اور دیگر ماحولیاتی آلودگی کا باعث بننے والی 10 ہزار 583 گاڑیوں کو چالان ٹکٹس جاری کیئے گئے ہیں اور اس کیساتھ ساتھ رات کے وقت آب و ہوا کو گرد آلود کرنے والی 04 ہزار ٹریکٹر ٹرالیوں کو چالان ٹکٹس جاری کیئے گئے ہیں۔ سی ٹی او لاہور کے مطابق 533 انتہائی خستہ حال گاڑیوں کے فٹنس سرٹیفکیٹ کینسل کروائے گئے اورسکول و کالجز،بس اڈوں اور سرکاری و نیم سرکاری اداروں میں 2000 سے زائد آگاہی لیکچرز بھی دئیے گئے ہیں۔

مزید پڑھیں: آئینی ترمیم سے عدلیہ کو مقننہ کے طابع کر دیا گیا ہے: سینٹر شبلی فراز

آرٹیفشل انٹیلیجنس سسٹم کی مدد سے بھی چالاننگ کا آغاز کیا گیا ہے اور اس حوالے سے لاہور میں چار ہزار سے زائد چالان ٹکٹس جاری کیئے جا چکے ہیں۔سموگ تدارک کیلئے عوامی رابطہ مہم بھی شروع کی گئی ہے۔سوشل میڈیا پر موصول ہونے پر دھواں چھوڑنے والی گاڑیوں کی ویڈیوز پر بھی کریک ڈاؤن جاری ہے۔ سی ٹی او لاہور کیطرف سموکی وہیکلز کی درستگی کےلئے متعدد سرکاری و نیم سرکاری اداروں کو مراسلے بھی ارسال کیئے گے ہیں اور سی ٹی او لاہور عمارہ طاہر نے کہا ہے کہ شہری ماحولیاتی آلودگی کے خاتمے کیلئے تعاون کریں۔