عمران خان بھی جلد رہا ہو جائیں گے، مولانا عبدالغفور حیدری

جمعیت علمائے اسلام (ف) کے جنرل سیکریٹری مولانا عبدالغفور حیدری نے کہا ہے کہ پاکستان تحریک انصاف (پی ٹی آئی) 26ویں آئینی ترمیم کی حمایت میں شامل تھی اور بشریٰ بی بی کے بعد عمران خان بھی جلد رہا ہو جائیں گے۔

میڈیا سے گفتگو کرتے ہوئے مولانا حیدری نے وضاحت کی کہ آئینی ترمیم کے معاملے میں پی ٹی آئی مکمل طور پر ان کے ساتھ تھی۔ انہوں نے کہا کہ ہم نے تمام معاملات طے کرنے کے بعد پورا مسودہ پی ٹی آئی کو فراہم کیا تھا۔

مزید پڑھیں: بشری بی بی کی رہائی کا خیر مقدم ،عمران خان جلد رہا ہونگے، بیرسٹر گوہر

عمران خان کے علاوہ دیگر قیادت نے مسودے پر کسی قسم کا کوئی اعتراض نہیں کیا بلکہ اسے درست قرار دیا۔

انہوں نے مزید کہا کہ پی ٹی آئی کی قیادت کے جیلوں میں ہونے کی وجہ سے ہم نے خود انہیں ترمیم کے حق میں ووٹ دینے سے روکا تھا۔