فتنہ الخوارج کے دہشتگردوں کا ڈیرہ اسماعیل خان کے علاقے درازندہ میں زام ایف سی چیک پوسٹ پر رات کی تاریکی میں بھاری ہتھیاروں سے حملہ جس کے نتیجے میں فرنٹیئر کانسٹیبلری کے 10 جوان شہید ہوئے ہیں۔
ترجمان فرنٹیئر کانسٹیبلری کے مطابق خوارجی دہشتگردوں کا بہادری سے مقابلہ کرتے ہوئے ایف سی کے 10 جوان شہید اور تین زخمی ہوئے ہیں اورشہید جوانوں نے جانیں نچھاور کرکے خوارجی دہشتگردوں کا چیک پوسٹ پر حملہ ناکام بنایا۔ شہید ہونے والے ایف سی کے 6 جوانوں کا تعلق جنوبی وزیرستان جبکہ 4 جوانوں کا تعلق ضلع کرک سے تھا۔
ترجمان فرنٹیئر کانسٹیبلری کے مطابق شہداء میں نائب صوبیدار محمد جان۔ نائیک عارف۔ لانس نائیک سعید الرحمان۔سپاہی اخونزادہ۔سپاہی حضرت اللہ شامل ہیں اورسپاہی مشتاق۔ سپاہی عبدالصمد۔ سپاہی عمران۔ سپاہی بصیر اور سپاہی مہتاب نے جام شہادت نوش کیا۔زخمی ایف سی اہلکارنائیک حمزہ۔ سپاہی حسن اور سپاہی صابر ایوب علاج کے لیے سی ایم ایچ ہسپتال ڈیرہ اسماعیل خان منتقل کیئے گئے ہیں۔
ترجمان ایف سی کے مطابق ایف سی دہشتگردی کی لعنت کے خاتمے اور قیام امن کیلئے پر عزم ہے اورشہداء کی عظیم قربانیاں ہمارے غیر متزلزل عزم کو مزید مضبوط کرتی ہیں۔
By 
