جسٹس یحییٰ آفریدی نے چیف جسٹس پاکستان کے عہدے کا حلف اٹھا لیا ہے۔
چیف جسٹس پاکستان کی تقریب حلف برداری تقریب ایوان صدر میں منعقد ہوئی، جہاں صدر مملکت آصف زرداری نے ان سے حلف لیا۔ تقریب میں وزیراعظم شہباز شریف، تینوں مسلح افواج کے سربراہان، اسپیکر قومی اسمبلی، وفاقی وزرا اور دیگر اہم شخصیات نے شرکت کی۔
چیف جسٹس کے عہدے کے لیے جسٹس یحییٰ آفریدی کی نامزدگی 26 ویں آئینی ترمیم کے نفاذ کے بعد پارلیمنٹ کی خصوصی کمیٹی کی جانب سے کی گئی تھی۔ انہوں نے عزم ظاہر کیا کہ وہ پاکستان کے عوام کے لیے قانون کی حکمرانی کو یقینی بنائیں گے اور ریاست کے تین ستونوں کی خودمختاری کے اصول کو کامیاب بنائیں گے۔
اس کے علاوہ، وزیراعلیٰ خیبرپختونخوا علی امین گنڈاپور نے بھی تقریب حلف برداری میں شرکت کرنے کا فیصلہ کیا ہے۔
By 
