مستقبل میں بلاول بھٹو کو وزیراعظم بنتا دیکھ رہا ہوں، منظور وسان کی نئی پیش گوئی

پاکستان پیپلز پارٹی کے سینئر رہنما منظور وسان نے  کہا کہ وہ بلاول بھٹو کو مستقبل میں کسی نہ کسی طرح وزیراعظم بنتا دیکھ رہے ہیں۔

  انہوں نے میڈیا سے گفتگو کے دوران کہا کہ 27 ویں آئینی ترمیم پر جے یو آئی پیپلز پارٹی کا ساتھ دے گی، جیسا کہ پہلے بھی ہو چکا ہے۔ منظور وسان نے مزید کہا کہ پی ٹی آئی کے اندرونی اختلافات ہیں اور ان کی آپس میں ہم آہنگی نہیں ہے، جس کی وجہ سے وہ ٹوٹ پھوٹ کا شکار ہو سکتے ہیں۔

یہ بھی پڑھیں: پیٹرول اور ڈیزل کی قیمتوں میں کمی کا امکان

انہوں نے یہ بھی کہا کہ جب تک پی ٹی آئی کے بانی جیل میں ہیں، بشری بی بی اور ان کی پارٹی کو مشکلات کا سامنا کرنا پڑے گا۔انہوں نے اس بات پر بھی زور دیا کہ 18 ویں ترمیم میں موجود شرائط موجودہ 26 ویں ترمیم کے مشابہ ہیں۔