حکومت کا سپریم کورٹ کے ججز کی تعداد 23 کرنے کا فیصلہ

سپریم کورٹ میں ججز کی تعداد بڑھانے کی حکومتی تیاریاں کرلی گئی ہیں اور اس حوالے سےحکومت کی جانب سے بل جمعے کے روز قومی اسمبلی میں پیش کئے جانے کا امکان ہے جس سے ججز کی تعداد 17 سے بڑھا کر 23 کی جائے گی۔

تفصیلات کے مطابق وفاقی حکومت نے سپریم کورٹ میں ججز کی تعداد کو بڑھانے کے حوالے سے تمام تیاریاں کر لی ہیں اوراس حوالے سے حکومت کی جانب سے بل جمعے کےروز قومی اسمبلی میں پیش کئے جانے کا امکان ہے جس سے ججز کی تعداد 17 سے بڑھا  کر 23 کی جائے گی۔

مزید پڑھیں: سپریم کورٹ میں زیرِ التوا مقدمات کی تفصیل سامنے آ گئیں

ذرائع کے مطابق بل پاس ہونے کی صورت میں سپریم کورٹ چیف جسٹس سمیت 23 ججز پر مشتمل ہو گی اورججز کی تعداد میں اضافے کا بل حکومت کی جانب سے پیش کیا جائے گا۔بل نجی کارروائی کے دن بیرسٹر دانیال چوہدری پہلے ہی پیش کرچکے ہیں اور فوسری جانب پریکٹس اینڈ پروسیجر ایکٹ میں ترمیم پر بھی مشاورت جاری ہے۔