ملائیشین وزیراعظم نے دورہ پاکستان کے دوران عمران خان سے ملاقات کی درخواست کی، زلفی بخاری کا دعویٰ

پاکستان تحریک انصاف کے رہنما زلفی بخاری نے انکشاف کیا ہے کہ ملائیشین وزیراعظم انور ابراہیم نے اپنے حالیہ دورے کے دوران عمران خان سے ملاقات کی درخواست کی، جسے پاکستانی حکام نے مسترد کردیا۔

معروف امریکی براڈ کاسٹر مہدی حسن کے ساتھ گفتگو کرتے ہوئے بخاری نے بتایا کہ ملائیشین وزیراعظم نے اڈیالہ جیل میں قید سابق وزیراعظم عمران خان سے ملاقات کا ارادہ ظاہر کیا لیکن یہ درخواست منظور نہیں کی گئی۔

انہوں نے مزید کہا کہ پی ٹی آئی کی قیادت کے ساتھ ملائیشین وزیراعظم کی ملاقات بھی طے کی گئی تھی جس کے لیے پاکستان میں ملائیشیا کے سفیر نے پی ٹی آئی کے سیکریٹری جنرل عمر ایوب سے ملاقات کی مگر وہ ملاقات بھی نہیں ہو سکی۔

مزید پڑھیں: عمران خان کی صحت ٹھیک، سیل میں بجلی بندش والی بات ناقابل قبول ہے : مصدق ملک

زلفی بخاری نے یہ بھی کہا کہ امریکی سفیر کی عمران خان سےکوئی ملاقات نہیں ہوئی حالانکہ امریکی کانگریس کے متعدد اراکین نے درخواست بھی کی تھی۔

Speaking at this week’s @zeteo_news town hall, @sayedzbukhari revealed that Malaysian Prime Minister Anwar Ibrahim wanted to meet Imran Khan in jail during his visit to Pakistan in early October.

When that was not permitted by Pakistan’s #UndeclaredMartialLaw regime, it was… pic.twitter.com/e8yemYBIWS

— PTI USA Official (@PTIOfficialUSA) October 24, 2024

دوسری جانب امریکی کانگریس کے 60 سے زائد ارکان نے امریکی صدر کو خط لکھ کر عمران خان اور دیگر سیاسی قیدیوں کی رہائی کا مطالبہ کیا ۔ خط میں پاکستان میں ہونے والے عام انتخابات میں دھاندلی کا ذکر کیا گیا ہے اور عمران خان کی فوری رہائی کی درخواست کی گئی ہے۔

خط میں یہ بھی کہا گیا ہے کہ پاکستان میں انتخابات میں بے ضابطگیاں اور ووٹرز کو انتخابی عمل سے دور رکھنے کی کوششیں کی گئیںاور بائیڈن انتظامیہ سے کہا گیا کہ وہ عمران خان کے تحفظ کی ضمانت لے اور امریکی سفارت خانے کے اہلکار جیل میں سابق وزیراعظم سے ملاقات کریں۔