محکمہ موسمیات کی آئندہ چوبیس گھنٹوں میں بارش اور برفباری کی پیشنگوئی

محکمہ موسمیات نے آئندہ چوبیس گھنٹوں میں چند مقامات پر بارش اور پہاڑوں پر برفباری کی پیشنگوئی کر دی۔

محکمہ موسمیات کے مطابق بدھ کے روز ملک کے بیشتر علاقوں میں موسم خشک رہنے کا امکان ہے۔ تاہم گلگت بلتستان میں مطلع جزوی ابرآلود رہنے کے علاوہ تیز ہواؤں اور گرج چمک کے ساتھ چند مقامات پر ہلکی بارش اور بلند وبالا پہاڑوں پر ہلکی برف باری ہو سکتی ہے۔

گزشتہ 24 گھنٹے کا موسم ملک کے بیشتر علاقوں میں موسم خشک جبکہ سندھ میں گرم رہا۔ تاہم بالائی خیبر پختونخوا ، گلگت بلتستان اور کشمیر میں چند مقامات پرتیز ہواؤں اور گرج چمک کے ساتھ بارش ہوئی۔

سب سے زیادہ بارش : خیبرپختونخوا: مالم جبہ 50، سیدو شریف 49، دیر (لوئر 43، اپر 22)، پٹن 36، بالاکوٹ 31، مردان11 ، کالام، دروش 06،کاکول02، گلگت بلتستان: استور 33، چلاس 10، ا سکردو 08،بونجی06، گلگت 04، ہنزہ، بگروٹ 02، کشمیر: مظفرآباد (سٹی 11، ائیر پورٹ 07)ملی میٹر بارش ریکارڈ کی گئی۔

آج ریکارڈکئے گئے زیادہ سے زیادہ درجہ حرارت: شہید بینظیر آباد 41 اور مٹھی میں 40ڈگری سنٹی گریڈ ریکارڈ کیا گیا۔