نادرا نے اپنی پاک آئی ڈی ایپلی کیشن میں نئے فیچرز متعارف کرادیے، جن سے صارفین کو سہولیات میں اضافہ ہوگا۔
تفصیلات کے مطابق نادرا نے پاسپورٹ ہولڈرز کے لیے ویڈیو یا تصویر کے ذریعے تصدیق کی سہولت فراہم کی ہے۔ شناختی دستاویزات میں تبدیلی کا عمل بھی اب زیادہ آسان ہوگیا۔
پاک آئی ڈی ایپ میں پیچیدہ فنگر پرنٹس کے طریقہ کار کو بہتر بنایا گیا ہے اور صارفین کو ہر لمحہ اپنے دستاویزات کی حیثیت سے آگاہ رکھنے کے لیے آٹومیٹڈ میسیجنگ کا فیچر شامل کرلیا گیا ہے۔
اس کے علاوہ نادرا دفاتر کے بارے میں بھی تمام ضروری معلومات ایپ میں فراہم کی گئی ہیں۔اس جدید پاک آئی ڈی موبائل ایپ کے ذریعے شہری نہ صرف شناختی کارڈ اور دیگر شناختی دستاویزات کی درخواستیں موبائل فون پر مکمل کر سکتے ہیں بلکہ وہ اپنے دستاویزات کو گھر پر بھی منگوا سکتے ہیں۔
اس ایپ کی بدولت پاکستانی شہریوں کو نادرا دفاتر جانے اور لمبی قطاروں میں انتظار کرنے کی ضرورت نہیں رہے گی جو کہ ایک بڑی سہولت ہے۔
By 
