By وزیر اعظم شہباز شریف نے سپریم کورٹ بار ایسوسی ایشن (ایس سی بی اے) کے نومنتخب صدر میاں رؤف عطا اور آزاد گروپ کے رہنما احسن بھون کو الیکشن جیتنے پر دلی مبارکباد دی۔
تفصیلات کے مطابق وزیر اعظم آفس میڈیا ونگ نے ایک پریس ریلیز میں کہا کہ شہباز شریف نے گروپ کے تمام رہنماؤں کو سپریم کورٹ بار ایسوسی ایشن کے انتخابات جیتنے پر مبارکباد دی۔
یہ بھی پڑھیں:آئینی ترمیم کیلئے حکومت نے کتنے ووٹ خریدے تھے؟مولانا فضل الرحمٰن نے بتا دیا
انہوں نے اس اعتماد کا بھی اظہار کیا کہ صدر سمیت نو منتخب عہدیداران وکلاء برادری کی فلاح و بہبود کے اپنے مشن کو جاری رکھیں گے۔ انہوں نے کہا کہ وکلاء برادری 26ویں آئینی ترمیم کے نفاذ، آئین اور پارلیمنٹ کی بالادستی کے لیے اپنا مثبت کردار ادا کرتی رہے گی۔
یہ بھی پڑھیں:حکومت کا تعلیمی ادارے بند کرنے کا عندیہ
وزیراعظم نے کہا کہ وکلاء برادری رؤف عطا کو اپنی بہترین قیادت منتخب کرنے پر داد کی مستحق ہے۔ انہوں نے امید ظاہر کی کہ نومنتخب عہدیداران ، وکلاء برادری قانونی اور عدالتی سمیت دیگر کمیونٹی کو درپیش مسائل کے حل کے لئے اپنا مثبت اور موثر کردار ادا کریں گے۔
