مولانا فضل الرحمٰن کے بیان نے حماد حسن کی خبر کی تصدیق کر دی

آزاد ڈیجیٹل سے منسلک صحافی حماد حسن کی ایک اور خبر کی تصدیق ہوگئی۔

تفصیلات کے مطابق صحافی حماد حسن نے 21 اکتوبر کو دعویٰ کیا تھا کہ آئینی ترمیم کیلئے اپوزیشن 11اراکین حکومت کیساتھ آملے ہیں۔ تاہم گزشتہ روز مولانا فضل الرحمٰن نے بھی صحافی حماد حسن کی خبر کی تصدیق کر دی ہے اور کہا ہے کہ حکومت نے آئینی ترمیم میں ووٹ کیلئے 11 اراکین خرید لیے تھے۔

مزید پڑھیں: آئینی ترمیم میں حکومتی بدنیتی شامل ہے: شاہد خاقان عباسی کا تہلکہ خیز بیان آگیا

مولانا فضل الرحمٰن کا مزید کہنا تھا کہ حکومت نے 26ویں آئینی ترمیم کیلئے 11ووٹ خرید لیے تھے اورہمارے پاس 8 ووٹ تھے۔ انہوں نے کہا کہ اگرہم ووٹ نہ دیتے تو ترمیم کا بہت گندا ڈرافٹ سامنے آتا۔ انہوں نے وضاحت کی کہ ہم نے اپوزیشن میں رہ کر یہ ترمیم منظور کروائی۔ان کا یہ بھی کہنا تھا کہ ملک سے 2028 تک سودی نظام کا مکمل خاتمہ کیا جائے گا۔

مولانا فضل الرحمٰن نے پی ٹی آئی کے آئینی ترمیم کے حق میں ووٹ نہ دینے پر کہا کہ پاکستان تحریک انصاف نے اپنے حالات کی وجہ سے ووٹ نہیں دیا تاہم ہماری جانب سے تحریک انصاف کی قیادت کو مذاکرات کے بارے میں لمحہ بہ لمحہ باخبر رکھا گیا۔