کراچی کیلئے پراپرٹی کے نئے ریٹس کا نوٹیفکیشن جاری

وفاقی بورڈ آف ریونیو (ایف بی آر) نے کراچی میں پراپرٹی کی ویلیو ایشن کے حوالے سے ایک اہم نوٹیفکیشن جاری کیا ہے۔

ایف بی آر کی جانب سے جاری  نوٹیفکیشن کے مطابق مختلف رہائشی سوسائٹیز اور علاقوں کے پلاٹس کی قیمتیں متعین کی گئی ہیں، جو کہ مقامی مارکیٹ کی صورتحال کو مدنظر رکھتے ہوئے طے کی گئی ہیں۔ عبد اللہ ہارون میں رہائشی پلاٹ کی قیمت 5 ہزار روپے فی مربع فٹ مقرر کی گئی ہے۔ اسی طرح ایئر فورس سوسائٹی میں بھی رہائشی پلاٹ کی قیمت 5 ہزار روپے فی مربع فٹ ہے۔

یہ بھی پڑھیں: پاسپورٹ بنوانے والوں کیلئے اہم خبر

دوسری جانب اختر کالونی کے رہائشی پلاٹس کی قیمت 1400 روپے فی مربع فٹ جبکہ الفلاح سوسائٹی میں بھی رہائشی پلاٹ کی قیمت 1400 روپے فی مربع فٹ مقرر کی گئی ہے۔

ایف بی آر کے اس اقدام کا مقصد پراپرٹی کے حوالے سے شفافیت کو بڑھانا اور ٹیکس کے نظام کو مزید مستحکم کرنا ہے۔ یہ تبدیلیاں سرمایہ کاروں اور خریداروں کے لیے نئی راہیں ہموار کریں گی، جس سے مارکیٹ میں مزید استحکام آنے کی امید ہے۔