وزیر اطلاعات پنجاب عظمیٰ بخاری نے کہا ہے کہ عمران خان کی رہائی کی خبروں میں کوئی صداقت نہیں، پی ٹی آئی ٹوٹ پھوٹ کا شکار جماعت بن گئی ہے۔
لاہورمیں نجی چینل سے گفتگو کرتے ہوئے انہوں نے کہا کہ وزیر اعلیٰ خیبرپختونخوا علی امین گنڈاپور سلطان راہی بننے کی ناکام کوشش کرتے رہتے ہیں ، وہ اپنے صوبے پر توجہ دیں، دہشت گرد جماعت سے کوئی بات نہیں ہو گی۔
عظمیٰ بخاری نے کہا کہ لاہور میں سموگ ہر سال آتی ہے لیکن اس بار جو ابتر حالت ہوئی وہ بھارت میں دیوالی پر آنے والی سموگ سے ہوئی ، فضائی آلودگی کو کم کرنے کے لیے بھٹوں کو مسمار کر رہے ہیں ، سکولوں کو جلد بند کرنے یا نہ کرنے کے حوالے سے تاحال فیصلہ نہیں ہوا۔
وزیر اطلاعات کا کہنا تھا وزیر اعلیٰ پنجاب مریم نواز عوام کی خدمت میں کوئی کسر نہیں چھوڑ رہی، مفت ادویات ہوں یا کسان کارڈ وہ صوبہ کو مثالی بنا کر ہی دم لیں گی۔
By 
