ترقیاتی منصوبوں میں مبینہ کرپشن کا ریفرنس، چودھری پرویزالہٰی کی حاضری معافی کی درخواست منظور

احتساب عدالت نے ترقیاتی منصوبوں میں مبینہ کرپشن کے ریفرنس میں سابق وزیراعلیٰ پنجاب چودھری پرویزالہٰی کی حاضری معافی کی درخواست منظور کرلی۔

لاہور کی احتساب عدالت کے جج زبیر شہزاد کیانی نے صدر پی ٹی آئی چودھری پرویزالہٰی کے خلاف ترقیاتی منصوبوں میں کرپشن کے الزامات پر سماعت کی۔ دوران سماعت چودھری پرویز الہٰی کے وکلاء نے ایک روزہ حاضری معافی کی درخواست دائر کی، جسے عدالت نے منظور کرلیا۔

مزید پڑھیں: پی ٹی آئی کو نقصان پہنچانے والے پی ٹی آئی کے اندر ہی موجود ہیں، شیر افضل مروت

عدالت نے کیس کے حوالے سے عدالتی دائرہ اختیار پر وکلاء سے دلائل طلب کیے اور ریفرنس پر مزید سماعت 20 نومبر تک ملتوی کر دی۔