حساس ادارے کے دفتر پر حملہ کرنے کا مقدمہ، زرتاج گل سمیت دس ملزمان کے وارنٹ گرفتاری جاری

فیصل آباد کی انسداد دہشت گردی عدالت نے پی ٹی آئی کی رہنما زرتاج گل سمیت دس ملزمان کے وارنٹ گرفتاری جاری کر دیے۔

وارنٹ گرفتاری حساس ادارے کے دفتر پر حملہ کرنے کے مقدمے میں جاری کیے گئے ہیں۔ وارنٹ گرفتاری عدالت میں پیش نہ ہونے پر جاری کیے گئے ہیں۔

مزید پڑھیں: ترقیاتی منصوبوں میں مبینہ کرپشن کا ریفرنس، چودھری پرویزالہٰی کی حاضری معافی کی درخواست منظور

عدالت نے زرتاج گل، عنصر اقبال اور دیگر ملزمان کو گرفتار کرنے کا حکم دیا ہے۔پی ٹی آئی کے رہنماؤں کی گرفتاری کے لیے جے آئی ٹی کو احکامات جاری کر دیے گئے ہیں۔

واضح رہے کہ زرتاج گل اور دیگر ملزمان گزشتہ روز عدالت میں پیش نہیں ہوئے تھے، جس کے بعد عدالت نےوارنٹ گرفتاری جاری کیے۔