قومی کرکٹ ٹیم کے کپتان محمد رضوان نے کہا ہے کہ کسی بھی ملک میں جائیں گے تاریخ رقم کریں گے۔
ڈریسنگ روم میں کھلاڑیوں سے خطاب کرتے ہوئے کپتان محمد رضوان کا کہنا تھا کہ 22سال 23سال سے نہ جیتنے والی باتیں ختم کریں گے، کرکٹ میں جیت کی نئی تاریخیں درج کریں گے، ہم سب ایک ہوکر ایک جذبے کے ساتھ کھیلیں گے۔
انہوں نے مزید کہا کہ ماضی میں چیمپئنز ٹرافی اورورلڈکپ جیسے ٹائٹل جیتنے ہیں، آسٹریلیا کیخلاف جیت سے سیکھنے کا عمل شروع ہوا ہے۔
قومی کرکٹ ٹیم کے کپتان کاکہنا تھا کہ پوری امید ہے دنیا کی ٹیموں نے بھی ہم سے سیکھا ہوگا، ٹیم سے کوئی امید نہیں کررہا تھا کہ آسٹریلیا کو ہوم گراؤنڈ پر ہرائیں گے۔
ان کا یہ بھی کہنا ہے کہ میں سب سے فیڈ بیک لیتا رہا، مینجمنٹ اور کھلاڑیوں سے مشورے کرتا رہتا ہوں، ون ڈے سیریز جیتنے کی خوشیاں منائیں لیکن پاکستانی ستارے کا خیال رکھیں، خوشی میں کوئی ایسا کام نہ ہو جائے کہ ہمارا ستارا اثر انداز ہو۔
By 
