پنجاب میں آج شام سے بارشوں کی پیشنگوئی

دھند اور سموگ سے پریشان شہریوں کو آج شام سے بارشوں کی نوید سنا دی گئی۔

ترجمان پی ڈی ایم اے نے بتایا کہ 14 سے 16 نومبر تک لاہور، راولپنڈی، مری، اٹک، چکوال، تلہ گنگ، جہلم، فیصل آباد، گوجرانوالا، میانوالی، خوشاب اور سرگودھا میں بارشوں کا امکان ہے، جو دھند اور سموگ کو کم کرنے میں مددگار ثابت ہو سکتی ہے۔

مزید پڑھیں:سموگ کے اثرات سامنے آنا شروع ، پنجاب بھر کے ہسپتال مریضوں سے بھر گئے

دوسری جانب محکمہ موسمیات نے پیشگوئی کی ہے کہ پاکستان کے بیشتر پہاڑی علاقے سرد رہیں گےاور گلگت بلتستان میں چند مقامات پر بارش اور پہاڑوں پر برفباری متوقع ہے۔ اس کے علاوہ خیبرپختونخواہ کے مختلف علاقوں جیسے چترال، دیر، سوات، بٹگرام، مانسہرہ، ایبٹ آباد، کوہستان، مالاکنڈ، بونیر، باجوڑ، مہمند، خیبر، اورکزئی، کرم، مردان، صوابی، پشاور، کوہاٹ، بنوں اور لکی مروت میں بھی بارش ہو سکتی ہے۔