محکمہ موسمیات نے ملک کے مختلف شہروں میں تیز ہواؤں اور گرج چمک کے ساتھ بارش کی پیشگوئی کر دی۔
محکمہ موسمیات کے مطابق کل جمعہ کو گلگت بلتستان، کشمیر، بالائی پنجاب اور خیبرپختونخوا میں مطلع ابر آلود رہنے کے علاوہ تیز ہواؤں اورگرج چمک کے ساتھ بارش اور پہاڑوں پر برفباری کی توقع ہے۔
اس دوران بالائی خیبر پختونخوا اور گلگت بلتستان میں بعض مقا مات پر موسلادھار بارش کا بھی امکان ظاہر کیا گیا ہے۔ بالائی پنجاب میں سموگ/ دُ ھند میں کمی کا امکان ہے۔
کل اسلام آباد اور گردونواح میں مطلع ابر آلود رہنے کے علاوہ تیز ہواؤں اورگرج چمک کے ساتھ بارش کی پیشگوئی کی گئی ہے، محکمہ موسمیات نے بارش کا 55 فیصد امکان ظاہر کیا ہے۔
کل راولپنڈی، مری، گلیات، اسلام آباد/راولپنڈی، اٹک، چکوال، تلہ گنگ، جہلم، گجرات، فیصل آباد، گوجرانوالہ، سیالکوٹ، نارووال، لاہور، میانوالی، خوشاب اور سرگودھا میں مطلع ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ اس دوران بھکر، لیہ اور ڈیرہ غازی خان میں بھی تیز ہواؤں اور گرج چمک کے ساتھ ہلکی بارش کی بھی توقع ہے۔
جمعہ کے روز چترال، دیر، سوات، کوہستان، شانگلہ، بٹگرام، بونیر، مانسہرہ، ایبٹ آباد، ہری پور، مالاکنڈ، باجوڑ، مردان، مہمند، چارسدہ، صوابی، نوشہرہ، پشاور، خیبر، کوہاٹ، کرم، اورکزئی، ہنگو، بنوں، وزیرستان، لکی مروت، ٹانک اور ڈیرہ اسماعیل خان میں مطلع ابرآلود رہنے کے علاوہ بارش اور پہاڑوں پر برفباری کا امکان ہے۔ اس دوران چترال، دیر، سوات، مالاکنڈ اور کوہستان میں بعض مقامات پرموسلادھار بارش کی بھی توقع ہے۔
کشمیر اورگلگت بلتستان میں مطلع ابرآلود رہنے کے علاوہ تیز ہواؤں اور گرج چمک کے ساتھ بارش اور پہاڑوں پر برفباری کی توقع ہے۔ اس دوران گلگت بلتستان میں چند مقامات پر موسلادھار بارش کی بھی پیشگوئی ہے۔
بلوچستان کے شمالی اضلاع میں مطلع جزوی ابر آلود رہنے کے علاوہ کوئٹہ، زیارت، پشین، قلعہ عبداللہ، قلعہ سیف اللہ، ژوب، شیرانی اور موسی خیل میں چند مقامات پر تیز ہواؤں اور گرج چمک کے ساتھ بارش کا امکان ہے۔
By 
