اوگرا نے آر ایل این جی کی قیمت میں اضافہ کردیا

حکومت نے نومبر کیلئے درآمدی آر ایل این جی کی قیمت میں اضافہ کر دیا۔

اوگرا کی جانب سے قیمتوں میں اضافے کا نوٹیفکیشن جاری کردیا گیا ہے جس کے مطابق  سوئی ناردرن کیلئے آر ایل این جی کی فی یونٹ قیمت میں 0.33 ڈالر اضافہ کیا گیا جبکہ  سوئی ناردرن کیلئے آر ایل این جی کی قیمت 13.26 ڈالر فی ایم ایم بی ٹی یو مقررکی گئی۔

نوٹیفکیشن  میں کہا گیا ہے کہ سوئی سدرن کیلئے آر ایل این جی کی قیمت میں فی یونٹ 0.34 ڈالر اضافہ کیا گیا جبکہ  سوئی سررن کیلئے قیمت 12.80 ڈالر فی ایم ایم بی ٹی یو مقرر کی گئی ہے ۔

واضح رہے کہ اکتوبر میں سوئی ناردرن کیلئے ایل این جی کی فی یونٹ قیمت 12.93 ڈالر تھی،  جبکہ سوئی سدرن کیلئے فی یونٹ قیمت 12.46 ڈالر تھی۔