پاکستان 2025 بجٹ کا 40 فیصد سود کی ادائیگی پر خرچ کریگا

موڈیز انویسٹرز سروسز نے کہا ہے کہ پاکستان کو نئی فنانسنگ شرائط کو پورا کرنے کے لیئے 2025 بجٹ کے 40 فیصد حصہ کو سود کی ادائیگی پر خرچ کرنا پڑے گا۔

تفصیلات کے مطابق ریٹنگ ایجنسی موڈیز نے خبردار کیا ہےکہ پاکستان کو جاری نئی کثیر الجہتی فنانسنگ کےسبب بجٹ 2025 کے 40 فیصد حصہ کو سود کی ادائیگی پر خرچ کرنا ہوگا۔موڈیز ریٹنگ ایجنسی کے مطابق 2025 میں پاکستان میں سود کی لاگت مجموعی اخراجات کا تقریبا 40 فیصد ہوگی، جو 2021 میں تقریبا ایک چوتھائی تھی۔

مزید پڑھیں: وزیرِاعلیٰ پنجاب کے پروگرام ‘مریم کی دستک’ میں 10 نئے اضلاع شامل

موڈیز نے اپنی رپورٹ ”2025 آؤٹ لک “میں کہا ہے کہ پاکستان نے حال ہی میں لیکویڈیٹی کے دباؤ کو کم کرنے کے لئے بین الاقوامی مالیاتی فنڈ (آئی ایم ایف) کے نئے 7 ارب ڈالر کے پروگرام پر اتفاق کیا ہے۔ تاہم، رعایتی قرض دہندگان سے مالی اعانت اکثر خودمختاروں کے پختہ ہونے والے قرض کی مکمل جگہ نہیں لے سکتی ہے. نئی کثیر الجہتی فنانسنگ کی شرائط کو پورا کرنا بھی مشکل ثابت ہوسکتا ہے اور معاشرتی خطرات میں اضافہ کرسکتا ہے۔