تحریک انصاف نے احتجاج والے دن انٹرنیٹ کی بندش کا حل نکال لیا

حکومت نے پاکستان تحریک انصاف کے احتجاج کے پیش نظر ملک کے مختلف علاقوں میں انٹرنیٹ و موبائل سروس جزوی معطل کرنے کا فیصلہ کیا ہےلیکن پی ٹی آئی نے ا سکاحل ڈھونڈ نکا لاہے۔

تفصیلات کے مطابق نجی ٹی وی کا اپنی رپورٹ میں بتانا ہے کہ پی ٹی آئی کارکن شفقت ایاز نے ایک ایپلی کیشن ”Bridgefy“ کا ذکر کیا جو احتجاج والے دن آپس میں رابطے کیلئے بغیر انٹرنیٹ کے بھی کام کرے گی۔

یہ بھی پڑھیں:حکومت کو پی ٹی آئی احتجاج سے کس حد تک خطرہ ہے؟ سابق ن لیگی رہنما ڈاکٹر آصف کرمانی کا انکشاف

ایاز شفقت نے ”ایکس“ پر لکھا کہ یہ ایپلی کیشن ایپل اور پلے اسٹور دونوں پر موجود ہے اسے ابھی ڈاؤن لوڈ کریں اور اپنے دوستوں کو مطلع کریں۔ان کے علاوہ سابق ڈپٹی سپیکر قومی اسمبلی قاسم سوری نے بھی موبائل اور انٹرنیٹ سروس معطل ہونے کی صورت میں دو ایپلیکیشنز ”BRIAR“ اور ”Bridgefy“ بتائی ہیں جن کے ذریعے ممبران آپس میں رابطے میں رہ سکتے ہیں ۔

یہ بھی پڑھیں:عمران خان کی مشکلات میں اضافہ انکے کمپرومائزڈ لوگوں نے کیا، سینیٹر فیصل واوڈا کا دعویٰ

ان کا کہنا تھا کہ ان ایپس میں اکاؤنٹ بنانےکیلئے نہ تو آپ کو اپنا موبائل نمبر دینا ہے نہ ہی ای میل ایڈریس، بلکہ آپ فرضی نام بھی یوز کر سکتے ہیں۔ ا ن کا کہنا تھاکہ یہ ایپ بلیوٹوتھ کے ذریعے کمیونیکیٹ کرتی ہے اسکی زیادہ سے زیادہ رینج 100 میٹر یا 300 فٹ ہوتی ہے جتنے زیادہ لوگوں کے پاس یہ ایپ ہو گی اتنی دور تک آپ کی رسائی ہوگی۔