کینیڈا میں مہنگائی ، دو ماہ کیلئے کھانے پینے کی اشیا پر ٹیکس معاف

کینیڈا کے وزیرِاعظم جسٹن ٹروڈو نے ملک میں مہنگائی کم کرنے کےلیے کھانے پینے کی اشیاء کو دو ماہ کےلیے ٹیکس فری کردیا۔

جسٹن ٹروڈو کے اعلان کے مطابق عارضی طور پر ریسٹورنٹس بھی اپنے بلوں میں ٹیکس شامل نہیں کریں گے، اسی طرح بچوں کے کپڑوں اور کھلونوں پر بھی ٹیکس وصول نہیں کیا جائے گا۔

یہ بھی پڑھیں :یاماہا کی بڑی آفر ، موٹرسائیکل اب ایک سال کی آسان اقساط پر دستیاب

وزیراعظم جسٹن ٹروڈو کی حکومت کم آمدن والے تمام کینیڈین شہریوں کو ایک بار ڈھائی سو ڈالر کے چیک بھی جاری کرے گی۔

 یہ اقدامات 14 دسمبر سے 15 فروری تک نافذ العمل رہیں گے۔