پی ٹی آئی کے احتجاج میں دہشتگردی کا امکان، نیکٹا نے تھریٹ الرٹ جاری کر دیا

پی ٹی آئی کے احتجاج میں ممکنہ دہشت گردی کے پیش نظر نیکٹا نے تھریٹ الرٹ جاری کر دیا۔

پی ٹی آئی کے احتجاج کے موقع پر فتنہ الخوارج کی جانب سے پاکستان کے بڑے شہروں میں دہشت گردی کے منصوبے کا انکشاف ہوا ہے۔

نیکٹا کے مطابق فتنہ الخوارج کے ممبران کی جانب سے پاکستان کے بڑے شہروں میں حملوں کی منصوبہ بندی کر رہے ہیں، مختلف ذرائع کی جانب سے فتنہ الخوارج کی دہشت گردی کی منصوبہ بندی کی تصدیق کی گئی ہے۔

نیکٹا نے کہا ہے کہ فتنہ الخوارج کے افغانستان سے پاکستان میں داخل ہونے کی اطلاعات ملی ہیں۔ 19 اور20 نومبر کی درمیانی شب فتنہ خوارج کے دہشت گردوں کے پاک افغان بارڈر پار کرنے کی اطلاعات ملی ہیں۔

نیکٹا نے بتایا کہ فتنہ الخوارج کے پاکستان میں داخل ہونے والے دہشت گردوں کی مختلف بڑے شہروں میں موجودگی کی اطلاعات ہیں، حکام نے فتنہ الخوارج کے خطرے کے پیش نظر سیکیورٹی انتظامات مزید سخت کرنے کی ہدایات کی ہے۔

نیکٹا نے وارننگ جاری کرتے ہوئے کہا کہ 24 نومبر کو پی ٹی آئی کا احتجاج کے دن بھی دہشت گردی کا واقعہ ہوسکتا ہے۔فتنہ الخوارج بڑے شہروں میں کارروائیاں کرسکتے ہیں، نیکٹا نے صوبائی حکومتوں کو فوری سخت اقدامات کی ہدایت جاری کی ہے۔