عمران خان کی رہائی اور مطالبات کی منظوری تک اسلام آباد میں رہیں گے، علی امین گنڈا پور

وزیر اعلی خیبر پختونخوا علی امین گنڈاپور نے کہا ہے کہ عمران خان کی رہائی اور مطالبات کی منظوری تک اسلام آباد میں رہیں گے۔

نجی ٹی وی سے گفتگو کرتے ہوئے وزیراعلیٰ نے کہا کہ بانی پی ٹی آئی کا جو حکم ملا ہے اس پر ہر صورت میں عمل کروں گا، میرا اختیار بانی پی ٹی آئی کے پاس ہے جو وہ کہیں گے کروں گا۔

آئندہ چوبیس گھنٹوں میں کن شہروں میں بارش ہوگی، محکمہ موسمیات کی پیشگوئی

انہوں نے کہاکہ میں اور پی ٹی آئی کارکن ہر صورت میں ڈی چوک پر پہنچیں گے، بانی پی ٹی آئی اور دیگر قیدیوں کی رہائی اور مطالبات کی منظوری تک اسلام آباد میں رہیں گے۔

علی امین گنڈاپور نے کہاکہ وفاق اور پنجاب حکومت نے بوکھلاہٹ میں موٹر وے اور شاہراہیں بند کر دی ہیں، ہمارا احتجاج پرامن ہے۔انہوں نے کہا کہ حکومت ملک کو بلاک کر کے عوام کو تکلیف پہنچا رہی ہے۔