پاکستان اور زمبابوے کے درمیان سیریز کا تیسرا اور فیصلہ کن میچ آج کھیلا جائے گا

پاکستان اور زمبابوے کی کرکٹ ٹیموں کے مابین کرکٹ سیریز کا تیسرا اور فیصلہ کن ایک روزہ میچ آج کھیلا جائیگا۔ دونوں ٹیموں کےمابین تین میچز کی سیریز ایک ایک میچ سے برابر ہے۔

تفصیلات کے مطابق پاکستان اور زمبابوے کے مابین تین ایک روزہ کرکٹ سیریز کا فیصلہ کن میچ آج کھیلا جائیگا اور پاکستانی وقت کے مطابق میچ دن ساڑھے بارہ بجےشروع ہوگا۔ احمد دانیال اور شاہ نواز دھانی انجری کا شکار ہو کر سیریز سے باہر ہو گئے،ان کی جگہ عباس آفریدی اور جہانداد خان قومی سکواڈ میں شامل ہیں۔

خیال رہے کہ پاکستان نے دوسرے ایک روزہ میچ میں زمبابوے کو 10 وکٹوں سے شکست دی تھی، شاہینوں نے 146 رنز کا ہدف بغیر کسی نقصان کے 18.2 اوورز میں پورا کرلیا تھا۔

یاد رہے کہ پاکستان اور زمبابوے کے درمیان تین میچوں کی ون ڈے سیریز 1-1 سے برابر ہے جو جیتے گا سیریز بھی جیت جائے گا۔