عمران خان آئندہ سال بھی جیل میں رہیں گے، منظور وسان

پیپلز پارٹی کے رہنما منظور وسان نے عمران خان کے حوالے سے پھر پیشنگوئی کر دی۔

منظور وسان نے کہا کہ عمران خان آئندہ سال بھی جیل میں رہیں گے اور وہ انہیں جلد باہر آتا ہوا نہیں دیکھتے۔ منظور وسان نے عمران خان کو مشورہ دیا کہ وہ خاموش رہیں، دھرنوں سے گریز کریں اور اپنی پارٹی کو مضبوط کرنے کی کوشش کریں۔

ان کا کہنا تھا کہ بانی پی ٹی آئی کے لیے بہتر ہے کہ وہ اس وقت خاموشی اختیار کریں اور کسی بھی متنازعہ سرگرمی سے دور رہیں۔

مزید پڑھیں: پی ٹی آئی کو حکومت کے ساتھ بات چیت کرنی چاہئے، اسد عمر

یاد رہے کہ گزشتہ ماہ پاکستان تحریک انصاف کے سینئر رہنما و قانون دان لطیف کھوسہ نے دعویٰ کیا تھا کہ عمران خان نومبر میں جیل سے باہر ہوگا۔