شام ہمارا دوست نہیں، گندے کھیل کا حصہ مت بنو، ڈونلڈ ٹرمپ

نومنتخب امریکی صدر ڈونلڈ ٹرمپ نے شام کی صورتحال بارے کہا ہے کہ امریکا کا شام کی جنگی صورتحال سے کوئی لینا دینا نہیں ہے۔

تفصیلات کےمطابق ڈونلڈ ٹرمپ نے شام کی صورتحال پر سخت ردعمل دیتے ہوئے کہا کہ شام ہمارا دوست نہیں انہیں لڑنے دو، اس گندے کھیل کا حصہ مت بنو، بہتر ہے امریکی حکومت اس مسئلے سے دور رہے۔ نومنتخب امریکی صدر کا مزید کہنا تھا کہ اقتدار سنبھالنے کے بعد امریکا کی شام جنگ میں مداخلت ختم کر دوں گا۔

مزید پڑھیں: ٹیسٹ کرکٹ کی تاریخ میں انگلینڈ نے منفرد ریکارڈ اپنے نام کر لیا

دوسری جانب امریکی وزارت خارجہ نے کہا ہے شام کی صورتحال پر نظر رکھے ہوئے ہیں، شام میں تصادم کو سلامتی کونسل کے تحت حل کرنے کا وقت آ گیا ہے، مذاکرات سے ہی تصادم کا خاتمہ ممکن ہے۔