وفاقی کابینہ میں توسیع کا فیصلہ

وزیراعظم کی جانب سے رواں ماہ وفاقی کابینہ میں توسیع کا اعلان کئے جانے کا امکان ہے۔

جیو نیوز نے حکومتی ذرائع کے حوالے سے بتایا کہ وفاقی کابینہ میں توسیع کا فیصلہ کر لیا گیا ہے،مسلم لیگ (ن) کے صدر میاں نواز شریف تجربہ کار اور پرانے افراد کو کابینہ میں لانے کے خواہش مند ہیں۔

ذرائع کے مطابق کابینہ میں دس مزید ارکان شامل کئے جانے کا امکان ہے، سردار یوسف، ڈاکٹر طارق فضل چوہدری اور بیرسٹر عقیل کے نام بھی شامل ہیں۔

حنیف عباسی، سعد وسیم، شیخ آفتاب کو بھی کابینہ میں شامل کئے جانے پر غور کیا جا رہا ہے اس کے علاوہ ن لیگ کی قیادت دو خواتین کو بھی کابینہ میں لانے کے لئے مشاورت کر رہی ہے۔