اسلام آباد: وزارت خزانہ نے انکشاف کیا ہے کہ گزشتہ پانچ سالوں کے دوران موبائل فون صارفین سے 338 ارب روپے ایڈوانس ٹیکس وصول کیا گیا۔
ڈپٹی اسپیکر غلام مصطفیٰ شاہ کی زیر صدارت قومی اسمبلی کے اجلاس میں وزارت خزانہ نے موبائل فون صارفین سے ٹیکس وصولی کی تفصیلات پیش کیں۔ دستاویزات کے مطابق 2020 میں 50 ارب، 2021 میں 55 ارب، 2022 میں 61 ارب اور 2023 میں 80 ارب روپے ایڈوانس ٹیکس کے طور پر وصول کیے گئے۔
مالی سال 2024 کے دوران صارفین سے 92 ارب روپے ایڈوانس ٹیکس وصول کیے گئے۔ مزید برآں وزارت خزانہ نے مالی سال 2025 کے دوران برآمدات 33 ارب ڈالر تک پہنچنے کی توقع ظاہر کی ہے، جبکہ ترسیلات زر 33.5 ارب ڈالر تک پہنچنے کا تخمینہ لگایا گیا ہے۔
حکام کے مطابق آئی ٹی سیکٹر میں اس سال 8.5 ارب ڈالر کا اضافہ متوقع ہے اور رواں مالی سال میں آئی ٹی برآمدات 4.2 ارب ڈالر تک پہنچنے کا امکان ہے۔
By 
