سینئر تجزیہ کار عمران ریاض خان نے دعوی کیا ہے کہ عمران خان نے سول نافرمانی کی تحریک موخر کر دی ہے۔
سماجی رابطے کی ویب سائٹ ایکس پر عمران ریاض خان نے کہا ہے کہ پاکستان تحریک انصاف (پی ٹی آئی ) کے بانی عمران خان نے مذاکرات کیلئے سول نافرمانی کی تحریک موخر کردی ہے۔
دوسری جانب پاکستان تحریک انصاف (پی ٹی آئی) کے مرکزی رہنما علی محمد خان نے کہا ہے کہ سول نافرمانی کی تحریک آج سے شروع نہیں کر رہے ہیں۔
سینئر رہنما پاکستان تحریکِ انصاف علی محمد خان نے نجی ٹی وی پروگرام میں گفتگو کرتے ہوئے کہا کہ آج 16 دسمبر کو سانحہ آرمی پبلک اسکول (اے پی ایس) پشاور اور سقوط ڈھاکہ کی برسی ہے اور اس پیرائے میں انہوں نے کہا کہ سول نافرمانی کی تحریک آج سے شروع نہیں کر رہے، پارٹی کے رہنما کل بانی چیئرمین سے ملاقات کریں گے۔
پی ٹی آئی رہنما نے مزید کہا کہ سول نافرمانی کے ایشو پر بانی پی ٹی آئی جو ہدایات دیں گے، ان پر من و عن عمل کریں گے۔ علی محمد خان کا کہنا تھا کہ اگر بانی پی ٹی آئی کو لگا کہ سنجیدہ اور نتیجہ خیز مذاکرات ہو رہے ہیں تو وہ سول نافرمانی کی کال موخر کرنے یا نہ کرنے کا فیصلہ کریں گے۔
By 
