پاکستان تحریکِ انصاف کیلئے حکومت سے نہیں، اپوزیشن جماعتوں سے بات چیت اہم ہے، فواد چوہدری

سابق وفاقی وزیر فواد چودھری نے کہا ہے کہ پاکستان تحریکِ انصاف کے لیئے حکومت سے نہیں بلکہ اپوزیشن جماعتوں سے بات چیت زیادہ اہمیت کی حامل ہے اور موجودہ حالات میں گرینڈ اپوزیشن الائنس وقت کی ضرورت ہے۔

تفصیلات کے مطابق سابق وفاقی وزیر فواد چوہدری نے نجی ٹی وی پروگرام میں گفتگو کرتے ہوئے کہا ہے کہ پاکستان تحریکِ انصاف کیلئے حکومت سے مذاکرات زیادہ اہمیت کے حامل نہیں بلکہ اپوزیشن جماعتوں سے بات چیت تحریکِ انصاف کے لیئے زیادہ اہمیت کی حامل ہے۔

سابق وفاقی وزیر نے کہا کہ حکومت خود ایسےحالات پیدا کرتی ہےکہ ملک میں لڑائی رہے اور وزیر اعظم شریف خود چاہتے ہیں کہ تحریکِ انصاف کی پکڑ دھکڑ کا عمل جاری رہے۔ فواد چودھری کا کہنا تھا کہ بانی پی ٹی آئی ڈیل پر بالکل یقین نہیں رکھتے اور حکومت بھی مذاکرات نہیں کرے گی، ٹمپریچر نیچے لانا شہبازشریف کو سوٹ نہیں کرتا۔

انہوں نے کہا کہ حکومت بانی پی ٹی آئی سے درست کمیونیکیشن نہیں ہونے دے رہی، عمران خان نے کمیٹی اپوزیشن جماعتوں سے بھی مذاکرات کے لیے بنائی ہے۔ فواد چودھری کا کہنا تھا کہ حکومت ایسے حالات پیدا کرتی ہے کہ لڑائی رہے، پی ٹی آئی کو اپوزیشن الائنس کی طرف بڑھنا چاہیے، اسٹیبلشمنٹ کےساتھ پی ٹی آئی کی جتنی لڑائی بڑھے گی اتنا حکومت کو فائدہ ہوگا۔

انہوں نے کہا کہ بانی پی ٹی آئی کوسہولیات نہیں دی جا رہیں، تالی دونوں ہاتھوں سےبجنی چاہیے،عمران خام کوجیل مینوئل کےمطابق سہولت ملنی چاہیے۔ سابق وفاقی وزیر نے کہا کہ حکومتی وزراء تحریکِ انصاف سے مذاکرات کے حوالے سے سنجیدہ نہیں ہیں۔

ایک سوال کے جواب میں فواد چودھری کا کہنا تھا کہ پی ٹی آئی کی اسٹیبلشمنٹ سے لڑائی جتنی بڑھے گی، حکومت کی زندگی میں اتنا ہی اضافہ ہوگا، عمران خان کو رہا کرانے کے لیے ماحول کو ٹھنڈا کرنا ہوگا، اس وقت گرینڈ اپوزیشن الائنس بننا چاہیے۔ انہوں نے کہا کہ تحریکِ انصاف کو حکومت سے مذاکرات کا کوئی فائدہ نہیں ہے۔

انہوں نے کہا کہ بانی پی ٹی آئی سے ملاقات کے دوران ڈونلڈ ٹرمپ کا بھی ذکرہوا، عمران خان کو بھی پتہ ہے، ڈونلڈ ٹرمپ نےکوئی چابیاں لیکرجیل نہیں آنا، امریکی صدر انسانی حقوق کی خلاف ورزیوں پرآوازاٹھائیں گے۔