فیصل آباد، پی ٹی آئی رہنما زرتاج گل نے کہا ہے کہ 9 مئی پر ن لیگ تھک جائے گی، ثابت کچھ نہیں ہو سکے گا۔
انسداد دہشت گردی عدالت میں پیشی کے بعد میڈیا سے بات کرتے ہوئے زرتاج گل نے کہا کہ عدالت میں 9 مئی کے 4 مقدمات میں پیش ہوئی، ہمارے خلاف مختلف شہروں میں بے بنیاد مقدمات قائم ہیں۔
ان کا کہنا تھا کہ ہمارا جرم عمران خان کے ساتھ کھڑا ہونا ہے، ہر جبر اور ظلم کر لیں بانی پی ٹی آئی کا ساتھ نہیں چھوڑنا، ہمارے لیڈر کو جیل میں قید تنہائی میں رکھا گیا ہے۔
پی ٹی آئی رہنما نے کہا کہ بے گناہ لوگوں کو جیلوں میں ڈالا گیا، اس لیے 24 نومبر کو اسلام آباد گئے، ہمارا ایک ہی سوال ہے کہ ہمارے لوگوں پر گولی کیوں چلائی گئی۔
ان کا کہنا تھا کہ کہ لیڈر نے مذاکرات کے لیے کمیٹی بنائی، یہ ہماری کمزوری نہیں، اس میں انتخابات سمیت تمام معاملات پر بات ہو گی۔
By 
