پاکستان کی نامور مصنفہ بیپسی سدھوا انتقال کر گئیں

پاکستان کی نامور مصنفہ بیپسی سدھوا 86 برس کی عمر میں امریکا میں انتقال کر گئیں۔

11 اگست 1938 کو پیدا ہونے والی بیپسی سدھوا امریکا کے شہر ہیوسٹن میں مقیم تھیں۔

وہ گجراتی پارسی زرتشتی نسل کی ایک مشہور پاکستانی ناول نگار تھیں جو انڈو-کینیڈین فلم ساز دیپا مہتا کے ساتھ اپنے اشتراکی کام کے لیے شہرت رکھتی تھیں۔

بپسی سدھوا کا ادبی کیریئر کئی دہائیوں پر محیط تھا جس میں قابل ذکر کام شامل ہیں جن میں “دی کرو ایٹرز”، “دی برائیڈ”، “آئس کینڈی مین” (“کریکنگ انڈیا” کے نام سے بھی شائع ہوا)، اور “این امریکن براٹ”۔ شامل ہیں۔

ان کے فکشن کے موضوعات شناخت، ثقافت اور سماجی مسائل تھے جو ہندوستانی اور پاکستانی تاریخ، سیاست اور ثقافت پر ایک منفرد تناظر فراہم کرتے ہیں۔

بیپسی سدھوا کو حکومت پاکستان نے ان کی خدمات پر ستارہ امتیاز سے بھی نوازا۔

 ان کے ناول Ice Candy Man کو بی بی سی نے نئی دنیا کی تشکیل میں اہم کردار ادا کرنے والے 100 بہترین ناولوں کی فہرست میں شامل کیا۔

بیپسی سدھوا کے اہل خانہ کے مطابق ان کی آخری رسومات 3 دن بعد ہیوسٹن میں ہی ادا کی جائیں گی۔