سینیٹ کی قائمہ کمیٹی برائے خزانہ اجلاس میں ایک بار پھر پانچ ہزار روپے کے نوٹ پر پابندی لگانے کی تجویز پیش کر دی گئی۔
سینیٹر سلیم مانڈوی والا کی زیر صدارت قائمہ کمیٹی برائے خزانہ کے اجلاس میں ٹیکس قوانین ترمیمی بل 2024پر غور کیا گیا جبکہ کچھ شقوں کی منظوری دی گئی۔ اجلاس میں ٹیکس آڈیٹرز اور ماہرین پر ٹیکس گزاروں کا ڈیٹا خفیہ رکھنے، نان فائلرز پر گاڑی، بینک اکائونٹ اور شئیرز خریداری پر پابندی، نان فائلرز کی جائیدادکی خریدو فروخت پر پابندی لگانے اور ہائی رسک افراد کا ڈیٹا بینکوں سے شئیر کرنے کی شق کی منظوری دی گئی۔
اس کے علاوہ اجلاس میں چئیرمین ایف بی آر نے کہا کہ ان افراد کو گاڑی اور جائیداد خریدنے سے پہلے اپنی مالی اہلیت ثابت کرنا ہوگی اور اپنے گوشواروں میں ذرائع آمدن کے بارے میں بھی بتانا ہوگا۔
سینیٹر محسن عزیز نے کہا کہ ایف بی آر اس قانون کے تحت کیش اکانومی کو فروغ دے رہا ہے۔ انہوں نے پانچ ہزار روپے کے نوٹ پر پابندی لگانے کی تجویز دی۔
چئیرمین ایف بی آر نے کہا کہ اس بل سے 90 فیصد افراد متاثر نہیں ہوں گے۔
By 
